Хөөрхийс.........

2011-03-04,18:16

Цоггүй. Унтарсан, унтаа харцтай бүсгүй
Цаанаа л нэг жихүүцсэн, бас яарсан зөрөх нь
Эрт урьдын зүүд шиг, эрх биш нэгийг сануулан
"Эхнэр" бэлзгээ хальт харуулан одлоо

Тийм байна. Тэр мөн байна.Яг мөн
Тэртээх түүхийн нугачаанд хамт бүдэрсэн
Тэвэр багадсан шөнийг анх амсуулсан
"Тэдний" охин тэр л дүрээрээ яг мөн байна

Зайлуул. Намайг явахад тэр хүлээнэ гэж амлаж байсан
Завхарсан юм бодохийн гэж би шоглож суусан
Замаа бодоорой гэж гарахдаа би шивнэж үлдээсэн
"Зам"-аа алдсан гэж найзууд араас "захидал" чулуудсан

Эцэг нь намайг хүлээж цөхөхдөө хорвоог орхиж
Эхнэртэй болсон гэж би худал үг хүмүүст цацаж
Эндсэн дээр нь элгийг нь "цөмлөж" түүнийг түлхэж
Эр биеээ авч үлдэн нүгэлээ өөртөө "хадгалсан"

Түүний өмнө би нүгэлээ наминчлаагүй
Түүх сөхөж тэр намайг зовоогоогүй
Түргэн орчлон өнгөө хэдэнтэй хувиргаж
Түүчээ тогоруу он жилүүд шиг бид бүхнийг мартсан

Сүүлд дуулахад "хүний хүн" болоод нутаг сэлгэж
Сүүдэрт амьдралд нухлуулж яваа дуулдсан
Сүнстэй хүртэл харддаг хар хүн дагасан гэсэн
Сүрэгтээ гологдсон гөрөөс шиг сажилж яваа нь энэ байж хөөрхийс.......

бичсэн: Чойрын Хүү төрөл: Шүлэг | (5) Сэтгэгдэл | найздаа илгээх | Уншсан: 498 удаа

Сэтгэгдэл бичих
Сэтгэгдэл:

Энэ чинь миний амьдрал биш ээ. Зүгээр л бусдын амьдралыг л бичиж байгаа нь энэ ш дээ ярзайтал инээх
Чойрын Хүү хэзээ бичсэн: 11:43, 2011-03-07 | Холбоос | |
Аймаарийн. Хүний бүсгүй үрийг яагаад ингэж зовооно вэ?
Lily хэзээ бичсэн: 11:01, 2011-03-07 | Холбоос | |
Бүсгүй заяа гэж
dadido хэзээ бичсэн: 19:16, 2011-03-06 | Холбоос | |
эээ яалтайв... хохирч үлдсэн нь гунигтай... санаа зовох гуниглах
Хүслийнжигүүр хэзээ бичсэн: 19:39, 2011-03-04 | Холбоос | |
алга ташилт алга ташилт гоё шүү
zaluu хэзээ бичсэн: 18:58, 2011-03-04 | Холбоос | |



:-)